امتحان کانکور سال ۱۴۰۵ هـ.ش در پوهنتون البیرونی آغاز شد
امتحان دوطلبان کانکور سال ۱۴۰۵ هجری شمسی ولایت کاپیسا امروز پنجشنبه طی مراسم ویژه‌ای در پوهنتون البیرونی به‌گونه رسمی آغاز گردید.
در این مراسم، هیئت رهبری پوهنتون البیرونی، رئیس معارف ولایت کاپیسا، مسئولان اداره عمومی امتحانات، استادان ممتحن و شمار زیادی از داوطلبان اشتراک داشتند.
محفل با تلاوت آیاتی چند از کلام‌الله مجید آغاز شد، سپس رئیس عمومی پوهنتون البیرونی، محترم شیخ‌الحدیث سیدبشیرآغا هاشمی، ضمن خوش‌آمدگویی به اشتراک‌کنندگان، سخنرانی نمود. وی در صحبت‌های خویش به اهمیت تعلیم و تحصیل در زندگی انسان اشاره کرده و روند آموزشی را از صنف اول الی تحصیلات عالی به‌گونه همه‌جانبه تشریح نمود. همچنان برای استادان ممتحن توصیه کرد تا امتحان کانکور را با شفافیت، عدالت و امانت‌داری کامل برگزار نمایند.
