د کانکور خبرتیا ۱۴۰۴

د کاپیسا ولایت ټول هغه ګډونوال، چې د ١٤٠٤ ل.ل کال کانکور ازموینې لپاره يې نوملیکنه کړې ده؛ خبر ورکول کېږي، چې د بایومټریک او ازموینې لپاره دې په لاندې نیټو البيروني پوهنتون ته مراجعه وکړي.

١- هغو کسانو چې د عمومي کانکور ازموینې لپاره يې نوملیکنه کړې ده او په آی ډي کارت کې یې لمړۍ یا اوله ورځ لیکلي وي؛ د بایومټریک لپاره سبا سه شنبه د غبرګولي میاشتې په ٦ مه نېټه له ٦:٠٠ بجو څخه تر مازیګر ٤:٠٠ بجو پورې او د ازموینې لپاره د پنجشنبې ورځ همدې میاشتې په ٨ مه نېټه سهار ٦:٠٠ بجې البيروني پوهنتون ته ځانونه حاضر کړي.

٢- هغو کسانو چې د عمومي کانکور ازموینې لپاره يې نوملیکنه کړې ده او په آی ډي کارت کې یې دویمه ورځ لیکل شوي وي؛ د بایومټریک لپاره د چهارشنبې ورځ د غبرګولي میاشتې په ٧ مه نېټه د سهار له ٦:٠٠ بجو څخه تر مازیګر ٤:٠٠ بجو پورې او د ازموینې لپاره د جمعې ورځ د همدې میاشتې په ٩ مه نېټه سهار ٦:٠٠ بجې البيروني پوهنتون ته ځانونه حاضر کړي.

٣- اختصاصي، دیني مدارسو او شپني کانکور ګډونوال چې د ازموینې ګډون کارتونه ورته نه دې ورکړل شوي؛ هغوى دې د کارتونو ترلاسه کولو او بایومټریک لپاره د چهارشنبې ورځ غبرګولي میاشتې په ٧ مه نېټه د سهار له ٦:٠٠ بجو څخه تر مازیګر ٤:٠٠ بجو پورې او د ازموینې لپاره د جمعې ورځ د همدې میاشتې په ٩ مه نېټه سهار ٦:٠٠ بجې البيروني پوهنتون ته ځانونه حاضر کړي.

 یادونه: په کانکور ازموینه کې ټول ګډونوال د بایومټریک او ازموینو په ورځو کې باید له ځان سره آی ډي کارت او اصلي تذکره یا اصلي پاسپورت ولري.