البیروني پوهنتون د ۲۷ علمي ـ څېړنیزو مقالو په تأیید سره د ملک په کچه پنځم مقام خپل کړ

islam_admin
یکشنبه ۱۴۰۵/۹/۱ - ۱۴:۸
پوهنتون البیرونی با تأیید ۲۷ عنوان مقالۀ علمی‌ـ‌تحقیقی، مقام پنجم را در سطح ملک کسب کرد

د عاليقدر اميرالمؤمنين شیخ‌الاسلام علامه هبة‌الله آخندزاده حفظه الله تعالی ورعاه د فرمانونو "له قیادت څخه تر شرعي، اقتصادي، فرهنګي، ټولنیزو او سیاسي پرمختګونو پورې د اغېزو" تر سرلیک لاندې علمي کنفرانس کې د البیروني پوهنتون ځلېدل

البیروني پوهنتون د " عاليقدر اميرالمؤمنين شیخ‌الاسلام علامه هبة‌الله آخندزاده حفظه الله تعالی ورعاه د فرمانونو له قیادت څخه تر شرعي، اقتصادي، فرهنګي، ټولنیزو او سیاسي پرمختګونو پورې د اغېزو" تر سرلیک لاندې علمي ـ څېړنیز کنفرانس کې، چې د لوړو زده‌کړو وزارت په مشرۍ او د وردګ پوهنتون په کوربه‌توب په کابل کې جوړ شوی و، د ۲۷ علمي ـ څېړنیزو مقالو په تأیید سره، د پوهنتونونو، دیني جامعاتو، تخصصاتو او د ملک د نورو ادارو په منځ کې پنځم مقام خپل کړ.

یاد لاسته‌راوړنه د البیروني پوهنتون د استادانو او څېړونکو علمي وړتیا او د پوهې د تولید او پراختیا په برخه کې د هغوی د څېړنیزو فعالیتونو څرګندویي کوي.

په دې کنفرانس کې د البیروني پوهنتون عمومي رئیس، ښاغلي شیخ‌الحدیث سید بشیرآغا هاشمي، د یو شمېر تالارونو د عمومي رئیس او کنټرولر په توګه د مقالو د وړاندې کولو د بهیر د مدیریت او څارنې مسؤولیت پر غاړه درلود. همدارنګه، د پوهنتون د علمي څېړنو مرستیال، ښاغلي پوهندوی ګل‌آقا انوري، د کنفرانس په څو تالارونو، د عمومي تالار په ګډون، کې د علمي مقالو د ارزونې په برخه کې د ژوري پلاوي د غړي په توګه ونډه واخیسته.

البیروني پوهنتون دغه بریا د خپل علمي موقف د پیاوړتیا او د څېړنو د پراختیا په برخه کې ارزښتناک ګام بولي او له ټولو هغو استادانو، څېړونکو او همکارانو څخه مننه کوي چې د دې لاسته‌راوړنې په تحقق کې یې ونډه اخیستې ده.

تازه خبرونه

یکشنبه ۱۴۰۵/۹/۱ - ۱۴:۸
Background image

البیروني پوهنتون د ۲۷ علمي ـ څېړنیزو مقالو په تأیید سره د ملک په کچه پنځم مقام خپل کړ

د عاليقدر اميرالمؤمنين شیخ‌الاسلام علامه هبة‌الله آخندزاده حفظه الله تعالی ورعاه د فرمانونو "له قیادت څخه تر شرعي، اقتصادي، فرهنګي، ټولنیزو او سیاسي پرمختګونو پورې د اغېزو" تر سرلیک. . .

یکشنبه ۱۴۰۵/۹/۱ - ۱۳:۴۴
Background image

د "ناحقې دعوې د څېړنې" په اړه تمثیلي محکمه د البیروني پوهنتون د شرعیاتو پوهنځي محصلانو لپاره جوړه شوه

د عملي مهارتونو د پیاوړتیا او د حقوقي او شرعي قضیو ته د رسېدنې له بهیر سره د محصلانو د بلدتیا په موخه، د "ناحقې دعوې د څېړنې" تر سرلیک لاندې تمثیلي محکمه د البیروني پوهنتون د شرعیاتو. . .

یکشنبه ۱۴۰۵/۹/۱ - ۰:۴۹
Background image

د "شانګهای همکاریو سازمان کې د افغانستان د غړیتوب اهمیت" تر سرلیک لاندې علمي ـ څېړنیز کنفرانس د البیروني پوهنتون د حقوقو او سیاسي علومو پوهنځي استادانو او محصلانو ته وړاندې شو

د سیمه‌ییزو سازمانونو په برخه کې د افغانستان د دریځ په اړه د استادانو او محصلانو د علمي پوهاوي لوړولو او د شانګهای همکاریو سازمان کې د افغانستان د غړیتوب د فرصتونو او پایلو پېژندلو په. . .

BACK TO NEWS