د البیروني پوهنتون محصلانو ته د (مخدره موادو او د هغو زیانونه) تر سرلیک لاندې سمینار وړاندې شو
د البیروني پوهنتون د نهو پوهنځیو محصلانو ته د دې پوهنتون د نشراتو او عامه اړیکو آمریت په تالار کې د (مخدره موادو او د هغو زیانونه) تر سرلیک لاندې سمینار وړاندې شو.
په دغه سمینار کې محصلان د مخدره موادو له ډولونو، د اعتیاد لاملونو، د هغو له روغتیايي، ټولنیزو، اقتصادي او اخلاقي ناوړه اغېزو سره آشنا شول او همدارنګه د اعتیاد د مخنیوي لارو چارو، له مخدره موادو سره د مبارزې میتودونو او د دې ناوړې پدیدې په مخنیوي کې د ځوانانو د رول په اړه اړین معلومات ترلاسه کړل.
یاد سمینار د لوړو زدهکړو محترم وزارت د لارښوونې پر بنسټ، د البیروني پوهنتون د محصلانو د خدماتو د انسجام آمریت له لوري جوړ شوی و، چې د دې پوهنتون د حقوقي کلینیک عمومي مدیر، محترم خواجه کرامتالله صدیق، له خوا وړاندې شو.
