د البیروني پوهنتون محصلانو لپاره د « زده‌کړې په بهیر کې د ChatGPT د مثبت اغېز ارزونه» تر سرلیک لاندې علمي-تحقیقي کنفرانس وړاندې شو

islam_admin
شنبه ۱۴۰۵/۸/۳۰ - ۲۳:۴۳

د محصلانو د پوهې او ډیجیټلي مهارتونو د لوړولو په موخه، « زده‌کړې په بهیر کې د ChatGPT د مثبت اغېز ارزونه» تر سرلیک لاندې غیر ترفیعي علمي-تحقیقي کنفرانس، د البیروني پوهنتون د نهو پوهنځیو د نخبه محصلانو لپاره د یاد پوهنتون د نشراتو او عامه اړیکو د آمریت په تالار کې وړاندې شو.

د کنفرانس په پیل کې، د البیروني پوهنتون د مالي او اداري چارو مرستیال محترم قاري برکت‌الله حنفي، د کنفرانس له تنظیموونکو او وړاندې کوونکي څخه د مننې ترڅنګ، د علمي موضوعاتو په زده‌کړه کې د مصنوعي ځیرکتیا پر سمې کارونې خبرې وکړې.

په دوام کې، د یاد پوهنتون د کیفیت لوړونې آمر محترم محمد نعیم محمدي، د تحصیلي کیفیت په ښه کولو کې د مصنوعي ځیرکتیا د اهمیت او رول په اړه ګټور معلومات له ګډونوالو سره شریک کړل.

د یادونې وړ ده چې دغه پروګرام د البیروني پوهنتون د علمي معاونیت اړوند د استادانو د مسلکي پراختیا د مرکز له لوري، د علمي څېړنو په برخه کې د مصنوعي ځیرکتیا د وسایلو د اغېزمنې او اخلاقي کارونې په اړه د محصلانو د زده‌کړې په موخه جوړ شوی و.

تازه خبرونه

یکشنبه ۱۴۰۵/۹/۱ - ۰:۴۹
Background image

د "شانګهای همکاریو سازمان کې د افغانستان د غړیتوب اهمیت" تر سرلیک لاندې علمي ـ څېړنیز کنفرانس د البیروني پوهنتون د حقوقو او سیاسي علومو پوهنځي استادانو او محصلانو ته وړاندې شو

د سیمه‌ییزو سازمانونو په برخه کې د افغانستان د دریځ په اړه د استادانو او محصلانو د علمي پوهاوي لوړولو او د شانګهای همکاریو سازمان کې د افغانستان د غړیتوب د فرصتونو او پایلو پېژندلو په. . .

یکشنبه ۱۴۰۵/۹/۱ - ۰:۳۳
Background image

د البیروني پوهنتون د داخلي سړکونو د پخولو او رغولو چارې ۵۵ سلنې ته ورسېدې.

د البیروني پوهنتون د داخلي سړکونو د جوړولو چارې، چې ټولټال ۲.۸ کیلومتره اوږدوالی لري او د ۶۴ میلیونه افغانیو په لګښت ترسره کېږي، د تخنیکي پلان له مخې ۵۵ سلنه بشپړې شوې دي.

په دې پروژه. . .

یکشنبه ۱۴۰۵/۹/۱ - ۰:۶
Background image

البیروني پوهنتون د ۲۷ علمي ـ څېړنیزو مقالو په تأیید سره د ملک په کچه پنځم مقام خپل کړ

د شیخ‌الاسلام عالیقدر امیرالمؤمنین حفظه‌الله تعالی ورعاه د فرمانونو "له قیادت څخه تر شرعي، اقتصادي، فرهنګي، ټولنیزو او سیاسي پرمختګونو پورې د اغېزو" تر سرلیک لاندې علمي کنفرانس کې د. . .

BACK TO NEWS