په البيروني پوهنتون کې د کرنیز فارم او اوبو ذخیره کولو حوض، دوه لویو پروژو پرانیسته وشوه!

islam_admin
چهارشنبه ۱۴۰۳/۱۰/۱۲ - ۱۴:۵۳
دانشگاه البیرونی

نوموړې پروژې چې د کاپیسا ولایت مقام او د البيروني پوهنتون رهبري په هڅو او د لوړو زده‌کړو قدرمن وزارت سره په همغږي د ملل متحد سازمان په تمویل او د افغانستان لپاره د ناروې کميټې لخوا د اووه  (۷) میلیونه افغانیو په ارزښت د البيروني پوهنتون دننه پینځه (٥) جریبه ځمکه کې پلي کېږي، نن یکشنبې ورځ یې پرانیسته وشوه، چې په موخه يې په البيروني پوهنتون کې غونډه ترسره شوه.

په دغه غونډه کې د کاپیسا مرستیال والي، د البيروني پوهنتون رهبري، د کاپیسا کرنې رییس، د کاپیسا لمړۍ حصې ولسوال، د پوهنتون استادانو، د نوموړې پروژې مسؤلینو او کارکوونکو ګډون کړی وو.

د کاپیسا مرستیال والي ښاغلي شیخ اسدالله سنان،  د البيروني پوهنتون عمومي رئیس ښاغلی مفتي وقایت الله وقار حنفي، د کاپیسا کرنې رئیس، د افغانستان لپاره د ناروې کمیټې مسؤل، د کاپیسا لمړۍ حصې ولسوال او د البيروني پوهنتون څېړنو او علمي مجلې مرستیال،  د نومړې غونډې ویناوال وو، چې د نوموړې پروژې په پلي کېدو يې خوښي وښوده او په ارزښت او ګټو يې خبرې وکړې او هم يې کارکوونکو ته د پوره اخلاص او ايمانداري سره د کار کولو سپارښتنې وکړې.

د یادولو وړ ده، چې یاده پروژه کې د نوموړي فارم د احاطې دیوال، د ٥٠٠ متره مکعبه اوبو ذخیره کولو حوض او د ساتونکو لپاره د اوسېدلو ځای هم شامل دي، چې چارې به يې د (٢٦٠) کارکوونکو لخوا پرمخ وړل کېږي.

تازه خبرونه

دوشنبه ۱۴۰۴/۳/۵ - ۱۴:۱۰
Background image

د کانکور خبرتیا ۱۴۰۴

د کاپیسا ولایت ټول هغه ګډونوال، چې د ١٤٠٤ ل.ل کال کانکور ازموینې لپاره يې نوملیکنه کړې ده؛ خبر ورکول کېږي، چې د بایومټریک او ازموینې لپاره دې په لاندې نیټو البيروني پوهنتون ته مراجعه. . .

شنبه ۱۴۰۴/۲/۲۰ - ۱۰:۳
Background image

د تخنیکي تعلیماتو له آمریت سره هوکړه لیک لاسلیک شو.

د البيروني پوهنتون او د کاپیسا تخنیکي تعلیماتو آمریت ترمنځ د ګډو دوه اړخیزو همکاریو په موخه هوکړه لیک لاسلیک شو. دغه هوکړه لیک د البيروني پوهنتون رییس ښاغلي مفتي وقایت الله وقار حنفي او. . .

دوشنبه ۱۴۰۴/۲/۸ - ۱۴:۴۱
Background image

د لوړو زده‌کړو وزارت د معلوماتي مدیریت سیستم (HEMIS) ورکشاپ د نوي ګمارل شویو استادانو لپاره د معلوماتي تکنالوژۍ په مرکز کې ترسره شو.

د دې ورکشاپ په پیل کې د البیروني پوهنتون د علمي چارو مرستیال، محترم پوهنوال ډاکتر عبدالحق حنیف وینا وکړه او نوي استخدام شوی استادان یې د معلوماتي سیستمونو، په ځانګړي ډول د HEMIS سیستم د. . .

BACK TO NEWS