د البیروني پوهنتون علمي-څېړنیزې مجلې د چاپي خپرونو د پېژندنې شمېره (ISSN) ترلاسه کړه
د البیروني پوهنتون داخلي علمي-څېړنیزې مجلې د چاپي خپرونو د پېژندنې شمېره (p-ISSN: 3136-9928) ترلاسه کړه.
دغه مجله په ۱۳۹۵ هجري لمریز کال کې تأسیس شوې او د البیروني پوهنتون د علمي څېړنو معاونیت په چوکاټ کې فعالیت کوي. د البیروني علمي-څېړنیزه مجله د طبیعي او ټولنیزو علومو په برخو کې فعالیت کوي او تر اوسه یې ۳۲ ګڼې، چې ۴۲۶ علمي مقالې پکې شاملې دي، خپرې کړې دي.
د دغې مجلې مقالې د دوه اړخیزې پټې ارزونې (Double-Blind Peer Review) سیسټم له لارې تر ارزونې وروسته خپرېږي او منځپانګه یې د آزاد لاسرسي (Open Access) له لارې د مینهوالو په واک کې ورکول کېږي. دغه مجله علمي مقالې په دري، پښتو، انګلیسي او عربي ژبو مني.
د چاپي خپرونو د پېژندنې شمېرې (p-ISSN) ترلاسه کول د مجلې د رسمي هویت د تثبیت او د هغې د خپرنیزو فعالیتونو د ښهوالي په برخه کې یو ګام بلل کېږي او د علمي خپرونو په ډګر کې د دغې مجلې د لا ښې پېژندنې زمینه برابروي.
د البیروني پوهنتون رهبري دغه لاستهراوړنه د البیروني علمي-څېړنیزې مجلې استادانو او همکارانو ته مبارکي وایي او د علمي څېړنو او خپرونو د کیفیت د لوړولو لپاره د هڅو پر دوام ټینګار کوي.
د ISSN شمېرې د ثبت لینک:
