د البیروني پوهنتون اداري کارکوونکو ته د «ترسره شویو فعالیتونو د اجراآتو ارزونې» تر سرلیک لاندې سمینار وړاندې شو
د البیروني پوهنتون د اداري کارکوونکو په ګډون، د «ترسره شویو فعالیتونو د اجراآتو ارزونې» تر سرلیک لاندې یو ورځنی روزنیز سمینار ترسره شو.
په دغه روزنیز پروګرام کې د البیروني پوهنتون اداري کارکوونکي د اجراآتو د ارزونې له اصولو او معیارونو، د ارزونې له ډولونو، د خدماتي کارکوونکو د ارزونې له پړاوونو، اداري مسئولیتپذیرۍ او د ارزونې له اغېزناکو لارو چارو سره بلد شول.
د دې ډول پروګرامونو جوړول د مسلکي ظرفیتونو په لوړولو، د اداري خدمتونو د کیفیت په ښه والي، د حسابورکونې د فرهنګ په پیاوړتیا او په کاري چاپېریال کې د نظم او همغږۍ په زیاتوالي کې ارزښتناک رول لري.
یاد سمینار د البیروني پوهنتون د ادارې د ظرفیت لوړونې او پراختیا عمومي مدیریت له لوري تنظیم شوی و، چې د کاپیسا ولایت د اداري اصلاحاتو او ملکي خدماتو آمریت استازو له خوا وړاندې شو.
