په البیروني پوهنتون کې دیجیتلی کتابتون پرانيستل شو.
نن دوشنبې ورځ، د چنګاښ ٣٠مه د البیروني پوهنتون په علمي فضا کې یو مهم پرمختګ ترسره شو، چې له مخې یې نوی، عصري او مجهز دیجیتلی کتابتون په رسمي ډول پرانیستل شو.
یاد کتابتون د البيروني پوهنتون د رهبرۍ په لارښوونه او د کتابتون آمريت په هڅو او د لوړو زدهکړو قدرمن وزارت په مالي لګښت د 1.1782.000 افغانیو په ارزښت فعال شو.
د نوموړي کتابتون د پرانیستې په مراسمو کې د البیروني پوهنتون عمومي رئیس ښاغلي مفتي وقایت الله وقار حنفي، د څېړنو او علمي مجلې مرستیال ښاغلي پوهندوی ګل آقا انوري او د پوهنتون بېلابېلو مسؤلینو ګډون کړی و.
د پوهنتون عمومي رئیس او علمي څېړنو مرستیال د یاد کتابتون په اړتیا او ارزښت باندې خبرې وکړې او هم یې دغه کتابتون د محصلانو، استادانو او څېړونکو لپاره یو اساسي علمي ملاتړ او د معاصرې نړۍ له پرمختګونو سره د پوهې سفر ته نوی رنګ وباله او په اوسني عصر کې یې دیجیتلی کتابتونونه د پوهې بنسټیزې سرچینې او د علمي پرمختګونو لپاره اړین وبلل.
د یادونې وړ ده، چې دغه کتابتون د نوې ټکنالوژۍ پر بنسټ جوړ شوی، چې د انلاین مطالعې، برېښنايي اسنادو ته لاسرسي او د عصري څېړنو لپاره ځانګړي امکانات لري.
