جشن فراغت محصلین پوهنتون البیرونی برگزار شد

islam_admin
دوشنبه ۱۴۰۲/۸/۲۲ - ۱۴:۱
دانشگاه البیرونی
جشن فراغتِ (۷۱۵) تن فارغان سال تحصیلی ۱۴۰۲ از پوهنځی‌های مختلفِ پوهنتون البیرونی برگزار شد. 
 این جشن که به ابتکارِ رهبری پوهنتون البیرونی راه‌اندازی شده بود در آن، محترم مفتی وقایت‌الله وقار حنفی، رئیس پوهنتون البیرونی، محترم مولوی عبدالاحد حقانی، معاون امور علمی، محترم پوهنیار  مشتاق حق‌یار، معاون امور محصلان، محترم قاری محمد الدین انس، معاون امور مالی و اداری، محترم قاری احسان‌الله بریال، والی ولایت کاپیسا، محترم شیخ اسدالله سنان، معاونِ ولایت کاپیسا، محترم حاجی عثمان ترابی، قوماندان امنیه ولایت کاپیسا، رئیس محترم شورای علمای کاپیسا، رؤسای محترم ادارات ولایتی، منسوبین محترم ولسوالی حصه اول کوهستان، روسای محترم پوهنځی‌های مختلف پوهنتون البیرونی، استادانِ گران‌قدر، محصلین عزیز، کارمندان اداری، خدماتی و بستگان فارغ التحصیلان اشتراک ورزیده بودند.
 در پایان محفل، محترم قاری احسان‌الله بریال، والی ولایت کاپیسا، به محصلینی که امسال از اول نمره الا سوم نمره فارغ شده‌اند، مبلغ صدهزار افغانی و به نماینده‌گی استادان پوهنتون البیرونی، ۱۰هزار افغانی جایزه اعطا کرده و در ضمن، وعده‌ی اعمار تالار در نهاد نام‌برده را نمود.
 قابل یادآوری‌ست که این در تاریخ پوهنتون البیرونی، اولین جشن فراغت بوده که متحدانه و با نظم عالی راه‌اندازی شده بود که در آن، هزاران نفر اشتراک نموده بودند.
تاریخ: دوشنبه، ۱۴۴۵/۴/۲۹ ه.ق
 

تازه ترین اخبار

سه‌شنبه ۱۴۰۲/۱۲/۱ - ۱۳:۳۵
Background image

ورکشاپ «تشریح عملی رهنمود پلان استراتیژیک » در پوهنتون البیرونی برگزار گردید

ورکشاپ یک روزه، تحت عنوان«تشریح عملی رهنمود پلان استراتیژیک »به رهبری محترم مولوی عبدالاحد حقانی معاون امورعلمی پوهنتون البیرونی در صالون کنفرانس آمریت مرکز انکشاف مسلکی پوهنتون. . .

شنبه ۱۴۰۲/۱۱/۲۱ - ۱۳:۱۸
Background image

تفاهم‌نامۀ هم‌کاری‌های دو جانبه میانِ وزارت مالیه و پوهنتون البیرونی امضاء شد

محترم پوهنیار مشتاق حق‌یار، معاون امور محصلان پوهنتون البیرونی و محترم مولوی احمدشاه شاکر، رئیس منابع بشری وزارت مالیه، جهتِ ارتقای ظرفیت‌های علمی و مسلکی، تفاهم‌نامه‌ی هم‌کاری‌های دو. . .

شنبه ۱۴۰۲/۱۱/۷ - ۱۳:۷
Background image

ارزیابی سالانه شفاخانه کادری پوهنتون البیرونی

فعالیت های مسلکی و اداری شفاخانه کادری پوهنتون توسط کمیتۀ اصلی ارتقای کیفیت تحت رهبری مولوی عبدالاحد حقانی معاون امور علمی، مورد ارزیابی سالانه قرار گرفت.

طی این پروسه بخش های مختلف. . .

BACK TO NEWS