د تعزيت پیغام!
![دانشگاه البیرونی](/sites/default/files/2024-04/whatsapp_image_2024-04-23_at_20.17.49_d61923b6.jpg)
په ډېرې خواشينۍ سره خبر شو، چې د البيروني پوهنتون د شرعیاتو پوهنځي استاذ پوهنيار عبدالعليم خوشحال د اجل داعي ته لبیک ووایه او له دې فاني نړۍ یې سترګې پټې کړې!
انالله وانا اليه راجعون!
محترم استاذ د خپل عمر ډېره برخه په علم، تدريس او دعوت تېره کړه او يو نېک او حليم شخصيت وو.
د البيروني پوهنتون مشرتابه او ټول منسوبين د محترم استاذ مړينه د البيروني پوهنتون او لوړو زده کړو وزارت ټولې کورنۍ ته لويه ضايعه بولي، کورنۍ، ملګرو او دوستانو سره یې ځان په دې درانه غم کې شريک ګڼي؛ د الله تعالی له درباره محترم استاذ ته د فردوس جنت او د کورنۍ غړو او دوستانو ته يې د جميل صبر غوښتنه کوي.
الحکم لله
مفتي وقايت الله وقار حنفي
د البيروني پوهنتون عمومي رئيس