سمینار آموزشی «سیستم مدیریت محصلان دولتی HEMIS» برای کارمندان اداری پوهنتون البیرونی ارایه شد

به‌منظور ارتقای ظرفیت مسلکی کارمندان اداری، آشنایی با شیوه استفاده مؤثر از سیستم مدیریت محصلان دولتی (HEMIS) و ثبت منظم معلومات محصلان، سمینار آموزشی یک‌روزه تحت عنوان « سیستم مدیریت محصلان دولتی یا HEMIS »  برای مدیران تدریسی و اجراییه پوهنځی‌های نه‌گانه پوهنتون البیرونی، در تالار آمریت تکنالوژی معلوماتی این پوهنتون ارایه گردید.

در این سمینار که همه کارمندان بخش های اداری پوهنځی‌های پوهنتون البیرونی حضور داشتند، محترم اسلام‌الدین کوهستانی، مدیر عمومی تکنالوژی معلوماتی پوهنتون و ارایه‌کننده سمینار، در مورد معرفی سیستم (HEMIS) وچگونگی استفاده از بخش‌های مختلف سیستم، ثبت و به‌روزرسانی معلومات محصلان  و سایر موارد مرتبط  معلومات همه‌جانبه ارایه نمود.

سمینار یادشده  از طرف آمریت تکنالوژی معلوماتی پوهنتون البیرونی راه‌اندازی گردیده بود که با استقبال اشتراک‌کنندگان همراه گردید و با دعائیه خیر اختتام یافت.