په البيروني پوهنتون کې د کتاب درې ورځنی نندارتون پرانستل شو
دغه نندارتون په البیروني پوهنتون کې د کتاب لوستلو د فرهنګ د پیاوړتیا او محصلینو او استادانو ته د علمي او ګټورو معلوماتو د برابرولو په موخه د پرند خپرندويه ټولنې لخوا او د البيروني پوهنتون درنې رهبري په همکاري پرانستل شو.
د نوموړي نندارتون د پرانستلو په مراسمو کې د البیروني پوهنتون مشرتابه د فردي او ټولنیز پرمختګ په برخه کې د لوستلو پر اهمیت د ټینګار ترڅنګ، د دې ډول نندارتونونو ترسره کول د مطالعې د فرهنګ د ودې او د ساینس د خپراوي په برخه کې ګټور او ارزښتناک وبلل.
په دې نندارتون کې د اسلامي علومو، ادبیاتو، فلسفې، تاریخ او ټولنیزو علومو په ګډون په بېلابېلو برخو کې کتابونه نندارې ته وړاندې شول.
د یادولو ده، چې نوموړی نندارتون به درې ورځې دوام ولري
